And I'll Kiss Thee Yet, Yet

Chorus
An I'll kiss thee yet, yet,
An I'll kiss thee o'er again;
An I'll kiss thee yet, yet,
My bony Peggy Alison.

[Ilk Care and Fear, when thou art near,
I ever mair defy them, O;
Young kings upon their hansel throne
Are no sae blest as I am, O!]

Chorus

When in my arms, wi' a' thy charms,
I clasp my countless treasure, O!
I seek nae mair o' Heav'n to share,
Than sic a moment's pleasure, O!

Chorus

And by thy een sae bony blue,
I swear I'm thine forever O!
And on thy lips I seal my vow,
And break it shall I never O!

Chorus